يالله يالي فوق سبع السماوات=تفرج لحال الي عصته الليالي
سايرتها بسكات بسكات بسكات=واقول بكره يصلح الله حالي
ماودي اشكي عند عاذل وشمات=ولابي علي الناس تلقى مجالي
اقضي طوال الليل نوح ٍوونات= والناس ماتدري عن الي جرالي
صبرت واستبدلت قولي تنهات=وتسابقن دمعات عيني توالي
عليك ياحلم ٍاشوفه ولا مات= رغم الحضوض النادرات القلالي
لك الذي ما تختلف فيه هقوات= ماتختلف هقوة رفيق ٍعنالي
لا والله اثبت والحق القول باثبات=والقول ما يثبت عزوم الرجالي
لا والله الى الفعل والفعل بالذات=محد ٍيقول المر ياناس حالي
للطيب درب وللرخامه متاهات=ويالي بغيت الطيب اسمع مقالي
صل الصلاة واد كل العبادات=واسجد لوجه الله عزيز الجلالي
وللوالدين حقوق ذكرت بالايات= ياجب عليك اصغاااء ثم امتثالي
ثم عقبها لاتلحق الناس نمات=اوزن كلامك يرفعك فوق عالي
ترى لسان الشخص للشخص مرئاة=ان اعتدل عدلت وان ملت مالي
واحرص على وقتك ترى الوقت لافات=تندم على فوته ليال ٍطوالي
لاصار ما شيد شبابك بنايات= لاصرت شايب ما بنيت العوالي
شيدلك من الطيب قصر وعمارات= تذكربها لاصرت تحت الرمالي
اسمع كلام الناس وانضر للاموات=واختر لنفسك ما تريده يقالي
واحذر ترى للنفس رغبه وشهوات=ان طعتها راحت عليك المعالي
طرد الهوى ذله ولافيه شكات=ياما تنزل من (سبايبَه)عالي
ولا تلحقك من قلة الحال ضيقات=خلك على ماقال( صدرك شمالي)
اضربها واحذر تطيح بمغبات=ولا تنفتن نفسك بطرد الريالي
واعرف ترى غال الكنوز القناعات=من فاز فيها فاز والفوز غالي
ولا تخوَف من نهاية بدايات=خلك على كل الامور ارتجالي
الخوف يرمي صاحبه فالهزيلات = ويثنيه عن كسب الامور الجزالي
الموت مره لاكن ان خفت مرات=والله ما تمشي حياتك عدالي
خالط جميع الناس كون علاقات=لا تجلس لحالك تصير انعزالي
لاكن بنفس الوقت ياصاح هيهات= تمشي بهواك الناس في كل حالي
فالناس طيب واكثر الناس عيَات=رافق هل الطولات خل الثعالي
والجار كثر جيته والزيارات =سيَر ترى الدنيى سريعة زوالي
فنجال بن وعود ٍ ازرق وضحكات= تشيل هم الي همومه ثقالي
مافات فات وماهو اتي ٍ آت= اسمع كلامي وافهمه للتوالي
رتب حياتك حط الك اولويات=وخطوط حمرى واضحات ٍ جلالي
الدين لا ترضى على الدين خملات=هاك الكلام الي يهز الجبالي
والله ما ترضى عليك الولايااااات= الين تتبع درب ذيك الملالي
جاهد عدو الله في كل الاوقات=بالحال ولا المال ولا العيالي
ثم الوطن احيان تاتيه حزات= تبي رجال(ن)يحملون الحمالي
وقف بعزة نفس قله سلامات =يالمعتدي فالعقل جاك اختلالي؟؟
ثم اقطع الرجعه وقل جيت موات=والله ما تفرح بيوم احتلالي
هاذي لأهل الطيب مثل العلامات=نضمت فيها كل كار ٍ طرالي
وللطيب درب وللرخامه متاهات= ويالي بغيت الطيب طبق مقالي