قصيدة : الحب
يا خلي اسمع قصيدتي لك يا هيه
أبي أعطيك و أقدم لك هدية
صار اسمك عندي الباشا و البيه
و صار حبك عندي أكبر قضية
سألت عن عنوانك قلت هنيه
أدري عنه شمال مركز ضرية
ترى الحب بحر سبحنا بشواطيه
أنا و أنت بالحب صحبة و سوية
حنا أهل الحب و منه و اليه
ما درينا ان الحب أكبر خطية
حبنا تعب بالحيل و طبطبنا عليه
عدونا صابه بعين حارة و قوية
أنا عن عين الحاسد أفديه
حتى لو وافتني ساعة المنية
ما ني بايع حبي أبغى أشريه
لو كان سعره واجد و بلية
ما دام ان الحب فيه مشاريه
لو أنتقل الى بلدة طمية
الحب وزير و أنا أحترم معاليه
أبي أعطيه من حلالي مطية
الله عالم و يسمع دعاء مناجيه
أنا أدري ان الأعمال بالنية
الحب مكان للعشاق و حنا أهاليه
فزنا فيه و عطينا الناس حذية
تراه ما هو سر ليش أخفيه
هو نعمة من ربي و عطية
لو عطوني مال قارون ما أساويه
حتى لو غلى سعره بالمية
الحب يحيي القلوب و تتغير أساميه
يعلم عنه رب الكون و البرية