اللي درس في مدرسة جور الأيـام
تكفيه واللي مـادرس يستمـع لـي
انا درست بصفهـا عـدة اعـوام
واربع دروس اللي زماني جمع لـي
الدرس الاول يوم عضيت الابهـام
واحد من المية هو اللـي فـزع لـي
وصداقة الباقيـن تمثيـل واوهـام
مثل السراب يذوب لو يجتمـع لـي
وثاني دروس الوقت ما احطه حزام
من عد غلطاتي ... ولا عـد فعلـي
وثالث دروس الوقت صدرت الأحكام
ما احفي على درب المقفيـن نعلـي
أن وجهوا يم اليمن وجهتي شـام
والدرب من فضل الولي متسـع لـي
ورابع دروس الوقت ثبّـت الأقـدام
على جبال العز ما احـدٍ شفـع لـي
من فضل ربي يوم حققت الاحـلام
واللـي يـدور خوتـي يرتفـع لـي
م/ن