بسم الله الرحمن الرحيم
اليوم جايب لكم موضوع بصراحه خفيف دم وقديم شوي .. بس ياليت ماانطرد بره المنتدى من بعده ..
.. يقول الموضوع ..
عزيزي العضو إذا انت حاب ترفع ضغط المشرفين اتبع التعليمات التاليه .. شرط تشوف نفسك مطرود من كل المنتديات إن شاء الله .. كل اللي عليك تسويه تنتبه زين للكلام اللي بقوله ولتسهيل وصول المعلومه حطيت لبعض النقاط مثال ....
التعليمات كالتالي ..
1. ادخل منتدى واكتب موضوع ماله أي علاقه بالمنتدى . . الموضوع في وادي والمنتدى في وادي ثاني ..
مثال .. اكتب موضوع رياضي في منتدى الأسره مثلاً
ويفضل لو تكتب عليه (( أرجو التثبيت )) كذا يكون له طعم ثاني احلى بكثير ..
2. خذلك موضوع نازل جديد في اي منتدى انسخه واكتبه بأسمك مره ثانيه في نفس المنتدى ويفضل تكتب عليه ( فكره جديده )
كذا المشرف بيدوخ وماراح يعرف وين الموضوع المكرر عشان يحذفه ..
3. لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال "مميز" وكل يوم أرسل تظلّم إذا محد عبرك؟؟
صدقني إذا مااحد عبرك اضرب بوز .. انا اظمن لك الترقيه إلى عضو يحمل وسام >> هذا وجهي
4. أكتب موضوع في منتدى الشكاوي والأقتراحات عنوانه ( الحقووووووووووووووني ) وطبعا راح يجيك المشرف طاير وانت اكتب داخل الموضوع .. واحد صفر وجنبها ( صورة واحد يضحك ) ..
5. شكّك في أي موضوع يـطرح في المنتدى .. في كل موضوع اكتب ( انا شايف الموضوع هذا في منتدى ثاني ..ياربي في أي منتدى )
خل العالم تعرف انه موضوع مسروق ..
6. ادخل على أي موضوع مثبت ... وأكتب عليه ارجو الرفع ..
7. حاول ترد على المواضيع القديمه ..... طلع الغبار ... والجديده خليها تنزل ( انت كذا تقلب المنتدى على المشرف فوق تحت ) ..
8. شوف لك مشرف وتلزق فيه .. كل يوم ارسل له رسائل خاصه قوله فيها :
ايش رايك في الموضوع الفلاني .. حاس انه مو حلو .. احذفه الله يخليك ..
ولا ايش رايك في ذاك الموضوع .. والله حلو .. اقول ثبته ..
والله شرط يكره اليوم اللي صار فيه مشرف ..
9. دقق في إملاء المشرفين... ورد عليهم فقط لتصحيح الإملاء ولا تجيب سيرة الموضوع ..
10. عند تعيين أي مشرف جـديد ... أبدا الكلام عن الواسطة وأنه ما يستاهل ولمح أن الإدارة كلها واسطات..
( طبعا هذي تغنيك عن كل الوسائل ) ..
11. واذا تبي تطفش مشرف عام اكتب مواضيع منقوله خاصه لو كان مايحب المواضيع المنقوله ويحبذ دائما على الإبداع .الله يستر ياربي . . ماادري اقدر ادخل المنتدى مره ثانيه بعد هذا الموضوع ولا ..
بصراحه الموضوع منقول وانا مالى اي ذنب سوى انه عجبني!!!