يا سعود ويا عيد المحبه تدابير
نسمع بها ولا ذاق احدن حلاها
اما المحبه في زمنّا اساطير
والا المحبين بـ زمنّا غثاها
لكن اخذ العلم من واحد مغير
على ديار الحب وشرّد غلاها
الحب هو الاعجاب في وقتنا مير
لسان ناسه عالق" في جماها
احد يتهياله محبّه على البير
يرويه من ماي الليالي بـ رشاها
واحدن يردد بالخفا يا عسى خير
ويرد من نوّر حياتي وسماها
واحدن يقول اللي رحل دون تبرير
يا جعل علاّته يدور دواها
يعني المحبه غير وهذا الزمن غير
نسمع بها ولا ذاق احدن حلاها
الشاااعر
عبدالله المطيري