قالو علامك شـارد الفكـر سرحـان
جالس معي والعقل يضرب له اميـال
ماهي بعاده لك عسى منـت تعبـان
قلت الهمـوم بداخلـي كنهـا اجبـال
اشهر معالمها علـى الجسـم نحفـان
اخفيتها والدمـع يفضـح ليـا سـال
ياصاحبي اسمع وابي منـك كتمـان
دامك تجيني دوم تسأل عـن الحـال
اسباب همي يارفيقـي غـلا انسـان
له في حنايا الـروح قيمـه ومنـزال
صدفه تلاقينـا ومـن بعدهـا كـان
هو الحبيب اللي لـه الشعـر ينقـال
انا اشهد اني صرت مغـرم وشفقـان
من يوم شفت الزين يمشـي ويختـال
ابو جديل(ن) لانتثر فـوق الامتـان
داكن سواده يرهب فحـول الابطـال
راح وتركني دون مايعطـي اعـلان
واليوم له فوق السنه والصبـر طـال
تكفون دلونـي وش الحـل ياخـوان
والمشكلـه حبـه فالاعـمـاق لازال
والقلب في رجعتـه يانـاس طمعـان
هذي افـاده قلتهـا ضمـن الاقـوال
يمكن بعدها يرتـوي كـل ضميـان
وتبقى على طول الزمن مضرب امثال
م/ن