أشكركم اخواني على المرور .



وهذه المحاورة كتابية وتتحدث في معناها عن شعراء المهاترة والعصبيات القبلية الواضحة التي تدخل المراهقين في مثل هذه العصبيات , ورغم أن الشعراء الكبار ومن اولهم سوار الذهب يلعبون مثل هذه المعاني لكن بطرق مدفونة وعميقة وبعيد عن ذهن عامة الناس .






وهذه المحاورة كتابية .



سوار الذهب :




ملفي المورقي :

عد همال السحاب اللي ملايكته تقوده = البقاء من شاعراً ماصد عن صوت المنادي
لاتمر الضلع ياخطل الذراع ولاتروده = انت خلك يالمطاري من حسو عليا وغادي

سوار الذهب :

لاتخليها حبال قصار وحبال معقوده = وانت تعرف نفخة المشهاب من نفخ الرمادي
كل واحد يالعتيبي مايجود بغير جوده = مانلبسها ثياب مروس وثياباً جدادي

ملفي المورقي :

بارك الله في عميلاً مايغير في وعوده = مايغير كلمته في حر والا في برادي
كل هرجاُ يالمطاري عارفاً نقصه وزوده = والعصا تفضخ عيون الداب صياد الجرادي

سوار الذهب :

من هو اللي يعتزي بعيال جده عن جدوده = جابها سلك الحرير وردها حبل الوكادي
وش تبا بالقبر خل القبر مابه غير دوده = سندوها مع طريق الحق ياروق السنادي

ملفي المورقي :

أعطني علماً على وضح النقاء واسمع ردوده = لاتثور العاصفة وتشوش اسلاك الروادي
التهامي كل ليله جمرته في راس عوده = مثل هاك الحاشي اللي لايساق ولايقادي

سوار الذهب :

عدها بحساب ياملفي والايام معدوده = يافريف النصر وصلها فريق الاتحادي
لاتعدي طلعة العقبان بعظاماً بروده = الزمان اشهب وجاك القيض ياشهب الحنادي

ملفي المورقي :

العلم ياصاحبي مروفوع مانزل عموده = أحمد الله فالحياه محققٍ غاية مرادي

يالمطاري علم الرجّال يرجع في حدوده = قبل لانحشد له القوه ونعلن بالجهادي