سلام الله علا الجمييع ..
اخواني هناك امر لازم تعرفونه وهو .. (( القمه تسع الجميع ))
لايعني ان نجح اخر ان الثاني فاشل وايضا لايعني نجاح فلان ان نجاحه كان على (( حساب آخـر )) ..
هذي نقطه ..
وايضا ودي لو توضحون اكثر مااقصد الاشاره لاسماء اشخاص تحارب عبدالله اقصد كيف يحاربونه ؟
يعني كلمة محاربه هذي كبيره وخطيره وتحسب علينا اذا كان منا وفينا .. اذا كان القصد يحاربه ان مايدعو اصحاب الحفلات لدعوته فانا اقول هذا الكلام غير صحيح اصحاب الزواج هم من يقررون من يدعون حتى لو لمح اي شاعر لاي شخصيه اخرى هذا اذا كان هذا مقصدكم ..
وانا بشكل عام ارى ان عبدالله غازي مظلوم وقد يكون غير (( محظوظ ))..
بالنسبة لشاعريته فهذي مافيه اي مجال لمناقشتها هو اشعر شاعر انجبته مطير الى الان وحتى لو محد صرح بذالك وهذا الامر لاينسف تايخ شعراء اخرين يعني نجاحه لا يرتبط بفشل الاخرين وهذي الافكار والمعتقدات هي اسباب لمشاكل كثيره ..
عموما الشاعر او اي شخص يكون في مكان يحتاج لجماهير او جماهيريه يكون بحاجه .. الى (( التسويق )) ..
طبعا في مجال الشعر والشعراء التسويق يكون بطريقه اخرى غير المتعارف بها .. اتمنى ان لا يفسر كلامي خطأ
وفي وقتنا الحاضر كثيره الطرق لــتسويق او فتح او جذب جماهير لاي شخصيه من خلال الصحافه او الفضائيات او النت ..
وبما انا الان بعالم النت اجد هناك تقصير وحتى لو كانت هناك محاولات يشكر عليها منتدى الموازين بقسمهم المخصص له لاكن اجده على استحياء او لم يعطى المكانه المفروضه ولا حتى بنر في الواجهه ولا حتى نشر المعلومات القيمه فيه فهذا علم شعري في السعوديه ليس مطير او ذوي ميزان فقط ..
وانا بكل صراحه ااؤكد ان هناك من لايعرف قيمة عبدالله غازي او ان هناك من يظلل على الجماهير بالفعل وانا بالواقع كنت في جلسة وبحضور احد شعراء المحاوره المعروفين مع عدم تحديد منهو او مطيري او غيره .. تطرقنا لشعراء المحاوره واخذ يسهب بالحديث و (( يخنبق )) لتوقعه ان لايوجد احد يفقه بالشعر في الجسله حتى طرينا عبدالله غازي لين جاب المطمه اخذ يقلل منه ويقول منول يومه في بدايته الحين خلاص طاح مستواه و فيه مرض ومدري ايش وياكل ..ووو .. وحتى تجادلت معه وقلت انه اشعر منك انت براسك ولا تساوي عنده نقطه قالي وبكل وقاحه انت تدافع عنه لانك عوني !! وقال هاتلي محاوراات احد يفهم وش يقول.. هنا انا عرفت ان عبدالله تشن عليه حمله وتشويه صوره وسمعه .. لاكن وصدقوني ان جماهير المحاوره اللي ماتفهم في المعنى اذا وضحنا لهم قوة شاعرية عبدالله وابياته وحتى اذا وضحنا معانيه وجزالته وفضحنا الاخرين ونزعنا سترهم وكشفهم على حقيقتهم انهم لن يجدو اي شاعر يستحق التشجيع والمتابعه سوى عبدالله غازي فقط ..
وايضا سمعت ان هناك اراء لعبدالله تجاه فن المحاوره وانه لايعترف بشعراء المحاوره الا من قبائل قليله خصوصا الي بالحجاز واعتقد مثل هالاراء ماهي في مصلحته ولا يمنع ان هذا الفن ينتشر ويزدهر والكل يحبه هذا يدعو للفخر ان يحظى بشعبيه وهذي مثل احد الزملاء يقولي الحين كلن صار صقار وحتى الوارعين تشيل طيور وتقنص حبارى !! قلتله وانت وش محرق رزك ان شا الله المملكه كلهم يملكون طيور ويصيرون صقارين هذا شي يسعدنا ابرك من انهم يتابعون الكوره ولا الفنانين المنحلين ويتشبهون بهم ..