محمد السناني
يا سلام الله سلاماً يشد الانتباه = انتباه مفقد القاف واللي يسمعه
مشكله لا هبت الريح عكس الاتجاه = حارت الاقدام بين الجهات الاربعه
عبدالحميد الفهمي
مرحبا ترحيب طيب غلا طيّب نباه = نسبقه با الطيب والطيب كله يتبعه
السناني ما قدرت اقنعه وادرك رضاه = من حرم كنز القناعه وش اللي يقنعه
محمد السناني
البقا بمقدم الطيب يوم الله عطاه = باذل المجهود با الضيق والا با السعه
ادري ان الموت محتوم من بعد الحياه = وادري الارزاق بين العباد موزعه
. عبدالحميد الفهمي
يا لعل امقدم الطيب ما يحرم جزاه = باذل المجهود له مقسمه والله معه
للبنادم يوم مانايشه قبله وفاه = وانت مالك بالفتاوي وكثر المعمعه
محمد السناني
كل ما يزرع بنادم يبا يحصد جناه = والتجارب ثابته والظروف مشجعه
ماتحاسبه العرب في خطا ما هو خطاه = جاء يدف الناس في جنبه الي يوجعه
عبدالحميد الفهمي
كرر التاريخ نفسه ورايك ماتراه = مير كل مزراعاً يحصد اللي يزرعه
الخطا ما يلحق اللي يبا يحسب خُطاه = لاتزر وزر العباد أي شرعاً تشرعه
محمد السناني
كرر التاريخ نفسه وبلغنا الوصاه = والذرايع ما تبا تنفع المتذرعه
ركعتين الفجر تظهر علامه في الجباه = معك امانه لن حفظت الحديث توزعه
عبدالحميد الفهمي
اعرف التاريخ واعرف محمد ما قراه = انت تتفل زاد مسموم والا تبلعه
حافظين المال وامطهرينه با الزكاه = والعيون اتشوفنا في الصلاه الجامعه
محمد السناني
الزمان يدور وانشوف وجهه من قفاه = واعرف ان السم يظهر على متجرعه