الله على جيبٍ جديدٍ مديله=توه على اول وردته للوكاله
جابه من اليابان حضرة وكيله=اللي دفع في قيمته حر ماله
فكسار مابه فالمواتر مثيله=حايز على رقم الصداره لحاله
اليا مشى كن الوطى ينطويله=واليا اشتغل يطربك حس اشتغاله
ماجابه اللي ملتوي في حصيله=اللي يموت مقرطٍ في رياله
ماهوب مركوب الوجيه البخيله=تقصربهم عن مستواه البخاله
ولايركبه من لاشبوحه طويله=اللي عن الطالات تقصر حباله
يجيبه اللي كل حملٍ يشيله=اللي ليا مال الزمان ارتكاله
ويجيبه اللي فا القسا ينعنيله=اللي لمن ينصاه حلوٍ قباله
هاذي عن الفكسار نبذه قليله=وهاذي وصوف رجاله اللي تناله
ابغاه لي في لازمٍ محتسيله=ابغاه يوصلني رجال الشكاله
ابغاه يوصلني شيوخ القبيله=عون الضعيف اللي عنا الوقت طاله
واخص شيال الحمول الثقيله=اللي وسام العز والطيب ناله
هزاع كساب الفعول الجزيله=نفسه معودها لكسب الجزاله
نسل الشيوخ مروضين الاصيله=يوم الطراد وقبل حكم العداله
اخوان جوزاء كاسبين النفيله=يشهد على ماقول رب الجلاله
ياشيخ يا اللي تقدر المستحيله=افزع لمن يشكي من الوقت حاله
ياشيخنا مروي الكبود العليله=اللي تطيب كبودنا من فعاله
اللي لياجات اللوازم نجيله=لوبيننا جرد الفياض نعناله
نجيه في بيتٍ ركونه ضليله=في مجلسٍ دايم تعاقب دلاله
ننصاه لاضاعت علينا الوسيله=ونروح من عنده على اتم حاله
ياشيخ انا ماعاد في يدي حيله=يامرخصٍ وقت اللوازم حلاله
افزع وخلص لازمٍ جيتيله=جعلك تحصل عند ربك بداله
ودم يازبون الكايده والثقيله=واسلم عسى عمرك طوالٍ لياله
وصلاة ربي عد وبل المخيله=على نبي الله وصحبه وآله