:: الطيبين انظارهم شبحها فوق=والخايبين انظارهم تحت الاقدام ::
كُتب : [ 27 - 03 - 10
- 10:40 AM ]
بعض المجالس مايهزّك لها الشـوق
تصـد عـن مدخالهـا قبـل تنـلام
ماتجمع الا كـل داشـر ومطفـوق
واللـي مجالسهـم منافـق ونمـام
كلامهم ثوب الحيـا عنـه مشقـوق
وتغرك الزيله اليا شفـت الاجسـام
وان جيت مجلسهم تبي تكسب العوق
خطوتك خسرانـه ومجلسـك هـدام
حتى ولو جابتك الاقـدار مسيـوق
العاقل اللـي لاكـره مجلسـه قـام
قـدام تسمـع هرجـةٍ مالهـا ذوق
وتقول انا مااوحِ النصيحه من العام
اما تعارض هرج جاهل ومصفـوق
ولا سكت وقيـل خايـف ومنضـام
والبعد عن رزقي ومرزق ومرزوق
اخير لك مـن مجلـسٍ كلـه آثـام
اقطع وصال النذل من غير مفهـوق
لاتّجله ماهوب مـن قطـع الارحـام
الطيبيـن انظارهـم شبحهـا فـوق
والخايبين انظارهـم تحـت الاقـدام
ولاهوب صح ان كل مطرود ملحوق
ماحد ٍ لحق من طول الايـام الايـام
للشاعر
سعود الدهيمي
|