اشره علي وصد وازعل عليه
ازعل ولاتحلم بأجيلك واراضيك
تعبت اعدل بين هاذي وذيه
وآخذ جفاك ومن وفى القلب معطيك
اصلآ انا مليت ماعاد فيه
احمل بلاوي القلب واحمل بلاويك
أثرك بلا ذمه ولك كم نيه
نيتك سودا والرديه تخاويك
لو فيك خير وبك بقايا حميه
ماتذرف الدمعه على خد مغليك
اسقيتني مرك ونفسي شقيه
وأحرمتني بالغصب من شرب حاليك
مدري نسيت ايامنا الاوليه
وإلا كبرت وقام قلبك يهقويك
الله يعلم ويش سويت فيه
والله يستر ويش اسوي انا فيك
كنت اتمنى لك حياتن هنيه
دايم وانا اردد عسى الله يهنيك
كنت ادعي المعبود يحفظك ليه
واقول من شوقي عسى الله يخليك
واليوم مالك غير دعوه قويه
دعوات مظلوم ولأظن تخطيك
جعلك بنكبه بين صبح وعشيه
نكبه بعد ضحكك عليه تبكيك
جعلك تشوف الموت والنفس حيه
بأتعس مرض يأخذ سنه ثم ينهيك
وتموت ثم أدفن عليك بيديه
وأدفن معك ظلمك وغدرك وماضيك
لاتعتذر لاتقول نفسي بريه
دامك قتلت الحب وشلون ابريك
ماعاد تمشي اعذار مثلك عليه
رح ياعسى دربآ لفابك يوديك منقــــــــــــــــــول