الحب صاب القلب والقلب حساس
وبالذات قلبي كل شي (ن) يحسه
مدري هو لحالي أو إنه معي ناس
قمت أرتوي عِد المراره وأنسه
ما طاب لي مع جمعت الناس مجلاس
وأزريت لا أخذلي من النوم هسه
أسرح معي هوجاس وأضوي بهوجاس
لجل الحبيب اللي بعيد(ن) مرسه
الصاحب اللي مونس(ن) عقبه الياس
قلب(ن) عقب فرقاه وش صار عسه
قلب(ن) على الملا يقّلب بمحماس
بسه هوى الغزلان والشوق بسه
على خليل(ن) غاب مع كل الأوناس
ضيعت نظراته وضيعت حسه
ليته معي ديره وأنا معه نسناس
بالعكس أنا اللي دايم الدوم مسه
أهرج معه في الليل في زين الأرماس
والصبح أحطه جوف صدري وأدسه
والصدر ضايق والهواجيس في الراس
وأخر علومي هاجتي مستلسه
ويالله يالمعبود يا خالق الناس
إعطف بقلب(ن) كل شي(ن) يحسه
م/ن