اليوم جايب لكم قصيدة لمفرح الظمني رحمه الله في موتره ...وش يقول مفرح؟؟؟
أقرأوا:
ياموتري شد عزمك دقت الساعـه=خلي كذب بالوعد والـزام قافينـي
عزي لمن صاحبه عقب الغلا باعه=زاد الجفا واشترى ناس جديدنـي
الله يلوم الغضي وش غير اطباعه=وانا احسبنه على الدنيا يصافينـي
فيما مضالي يقول السمع والطاعه=واليوم صـد وتكبـر مايحاكينـي
يارجل منتي ورى المقفين تباعـه=عيب على اللي تبع ناس مقفينـي
من لاعرف وين مدخاله ومطلاعه=يصبر على ماجرى بالعسر والليني