يا شينها لا نثرت الدمع من عيني=من شان منهو جفاء والقلب محتاجه
ابعد وغاب الفرح والنوم جافيني=من غيبته هاج بحر الشوق بامواجه
يا روح روحي عليك البعد كاويني=والشوق باب الوصل والحب مزلاجه
شوقي على دارك الغايب يوديني=والحب ليله طويل ويشعل اسراجه
يكفي جروح والم لا تزيد مافيني=بيديك قلبي سجين ويطلب افراجه
ليت البواخر على سيفك ترسيني=أشرب من يديك سم القلب وعلاجه
بين الجفاء والوفاء ضاعت عناويني=اسأل عن الصبر نفسي وين مخراجه
ذكرى جفاك القديم اليوم تكفيني=ما ودي أذكر وفاك وسيرة ازعاجه
خلاص راح الأمل والياس طاويني=والناس كلن سعيد ويضحك احجاجه
أبكي دموعي وحر الدمع يبكيني=والرمش محزون عود الكحل ما داجه
والله يا لولا القصيد اللي يسليني=لأتبع قليل العقل وأنهج بمنهاجه