قال الوداع !! وقلت صبرك دقيقه ؟
ما تدري أن البعد أصعـب حقيقـه
اسمع ونين القلـب ياللـي تعيقـه
شوف العيون اشلون بعدك غريقـه
لا ما يعوّضنـي جمـال الخليقـه
في غيبتك كثر الصبر مـا اطيقـه
كنت افتكر بـان العلاقـه وثيقـه
لكن خلاص اليوم بالقلـب ضيقـه
تاه الفكر وسـط البحـور العميقـه
سيف الهجر من أمس واضح بريقه
كاس ٍ مليتـه مـن أنامـل رقيقـه
في ضامري شبّيت أكبـر حريقـه
هذا جوابي والحبـر نَشْـف ريقـه
روّح وأنا بـروح كـلّ بطريقـه