ياسلامن ابتدا لكل قاري لي بدا وكـل خافـي لـو بـدا ينتبـه منهـو وصَـل=واسمحولي يالحضور الشعر مني يثور وبشعـور ولاشعـور جبتهـا للطيبيـن
قلت اقول القول ذا وهكذا ماهو اذى مالـذا حرفـي لـذا قلـت اقـول ولا أمَـلّ=ومن يـدوّر للبـلا فـي حروفـي ابتـلا لا وكـلاّ او بلـى انتمـى للحاقديـن
ما درينا عنّهم ولا كتبنـا منّهـم اعتلينـا وهـم هـم لا جـواب لمـن سـأَل=لا سؤال ولا جواب المعاني كالسراب لو تقول الراس شاب ذي مقاصد يالذهيـن
ذي مقاصد حرفنا ولو كتبنا حرفنه وان قريـت بظرفنـا ابتسـم ثـم قـل هَـل=هلهل وهلهل بـهل زدت جهلك بالجهل هل وهل على مهـل تفتهملـي يافطيـن
لا تودي ولا تجيب لا بعيد ولا قريب ابتسم وابـدا نحيـب يـا تفانـي بالجهَـل=واسمحولي باللي فات فات واللي فات مات والله انه كـالفتات اعذروا يالفاهمين
وابتدا مني الشعر شاعر بشعره شعر لو كسى الشيب الشعر ماحصل منّـه كلَـل=شاعر واسمه بدر اعتلى يـمّ البـدر سامـح الله مـا بـدر وابتدينـا بالسميـن
هيبته هيبة مطير عزوته ان جاه ضير فعلهم فعلا خطير ما حصـل منهـم زلَـل=للمشاهد منجزات والثلاث المعجزات اسألوا وقت الغزاة كـل مـا يخفـى يبيـن
ولا قصورن بالجميع من كبير ومن رضيع بس انا ودي اذيع فعل يبقـى لـلأزَل=فعل محدن يجهله كل صعب ٍ نسهله فعل وانـا مـن هلـه واذكـروا يالذاكريـن
فعل كلن له يفز فعل كله فيه عز ومن يلـزّ ومـن يكـزّ مـا لقـى والله أمَـل=ما لقى الا افعالنا والورث لاجيالنا نكـرم اللـي جالنـا مـن قديمـات السنيـن
وكل طيبٍ فالنا من زمـان احوالنـا حالنـا هـو حالنـا لا مصـاب ولا جلَـل=من عبادل او بريه او علوى تنتخيه جاك مايسألـك ليـه خلـه بوقتـك عويـن
والثلاث اللي ذكرت احمد الله وشكـرت ان ذولا لا فخـرت بالفعـل كلـن فَعَـل=واحمد الله وافتخر عشت عمري بالفخر ليّنوا حتى الصخر وكل قاسـي مايليـن
ولا طرى لمطير سو فز حرفي وقال سو ما نسوا لا مانسوا ما مضى واللي حصَل=كابت ٍ بقلوبهم ظلهّم بدوربهم ولـو تنـادي مـا بهـم ؟ قلتلـك حقـد ٍ دفيـن
عشنا ياحمر النواظر عزنا ماضي وحاضر ما اناظر لو تناظر ما تدوّر من خلَـل=ما بنا عذروب غير الا ان احنّا مطير ولنّ احنـا يـا مطيـر للمعـادي قاهريـن
هذا شعري لا انتهض يوم غيرك لك نهض وانت مثلك ينتفض حرفي لمثلك شلَل=بس حشمه للوجيه مانبي نخطي ياهيه مانبي يم السفيه نكتب الحـرف الثميـن
واختم اللي ابتدا ما بغينا له ردى هذا شعري لا هـدا كيـف حرفـي لا اشتعَـل=والسلام اوفى ختام وللرجال الاحترام والسموحـه يالرجـال عفوكـم يالطيّبيـن