18/4/1431هـ

ابو سلطان المطيري
مرحبا حيالله الي طايلٍ صبري وصبـره=جابه الله يوم قلـت البارحـه يالله تجيبـه
احسب ان الميت ياربي ظهر من حيد قبره=واثرها للقبر يوم اقبلت انا يمـه نصيبـه

عبدالمجيد الظويفري
البقا ياشاعـرٍ مايختلـف قـدري وقـدره=من بعد ما غاب يطلبني وانا ماني طليبـه
يوم قبر الميت مريته وش اللي كان حـدره=انت من دون القبر ولا انت من دون الجذيبه

ابو سلطان المطيري
ياطويل العمر لو يظلم عليـك اليـل إسـره=ماختلت الذيب وانت تخاف يالطيـب قنيبـه
مايولي غير وجه الكافر إن جاء الحرب دبره=يقطع الله كافرٍ وقت الرخـا ينقـل صليبـه

عبدالمجيد الظويفري
جيت يم الضلع واليا الضلع في يمنـاه سـدره=المصيبـه بالرعايـا كيـف ماتـارد قليـبـه
من عصا موسى ترى فرعون بان وبان سحره=وانت يمكن لو زمانـك فـي زمانـه تلتهيبـه

ابو سلطان المطيري
عارف غنا الآدمي يالقرم ماهو مثـل فقـره=والمصايب لو تجي فوقه يجوز يشـق جيبـه
اخذ من فرعون ياعبدالمجيـد اليـوم عبـره=ماتركت حصانك الي في اول الوقت تغزي به

عبدالمجيد الظويفري
البنادم لو تضيق ابه الليالي ضاق صدره=بس انا محتار لامن ضاق والدنيا رحيبه
يامحمد لا تحمل صاحبك من غير وزره=والله اني حاسب حساب البعيده والقريبه

ابو سلطان المطيري
لاتلحق ما مضى منها لك حسوفه وحسره=كل شيٍ راح في الدنيا ترى ربك حسيبه
والله انا فوق غير الطيب العارف مانشره=والردي نستر عليه ونستر بلا شك عيبه

عبدالمجيد الظويفري
احمد الله لي مع اهل الطيب والطالات نظره=ماشبحت العين يم اهل النقيلـي والغليبـه
انت رجلٍ لو بنا له جدر صعب يطيح جدره=وارثٍ من راس جده بالزمن فعله وطيبـه