( حبل الوصال )
*أنت اللذي بالهجربعت الموده=وأنت اللذي خنت من حبك ويغليك
*عقب الغلا تجرح هواك وتصده=وتعذب اللي جاك بالود ناصيك
*الله حسيبك على الضيقه تحده=تطعن خفوقه عقب ماهو وثق فيك
*أنشهد إنه بدى عمره وعده=يومه عرفك وصار قلبه مخاويك
*ماكان ضنه تجي في يوم ضده= تبيع حبه عقب تنكر مباديك
*أمد لك حبل الوصال وترده=وأبكي على لاماك وتصد وشفيك
*صبرت أنا والصبر جاوزت حده=معادلي بالصبرطاقه واناأرجيك
*خلاص لوترجع معدلك موده=قلبي قفلته يوم طاول تحديك
*هذا كلامي جاك هزله وجده=خله يفيدك عقب هذا تغليك
*أشرب بحردنياك والرمل عده=لوصحت لي بالموت والله ماجيك
*هذاعهد من باح لرضاك سده=والله لاموت وكل مافي ناسيك
*وأنا أدري أنك راجع لي برده=ميرأعرف إنك لوتجي قلت مابيك