ياسلام الله على زين الطبايع=شاعر(ن) جزل المعاني له طبيعه
شاعر(ن) في سكته ماهوب ضايع=مفردات الشعر ملزوم(ن) تطيعه
ادخل الديوان وتشوف الروايع=في اعتقادي كل شعره فالطليعه
جيت يمه غيبتي ماني بجايع=غايب(ن) مشغول ما قصدي قطيعه
مير ويش الراي في بعض الودايع= كل من ودعد يحاسب عن وديعه
ياخساره نصف جيل اليوم مايع=احرفوهم غصب عدوان الشريعه
يربطون شعروهم مثل الربايع=والملابس ضيقه ماهي وسيعه
لبس طيحني وجا لسوق فايع=كيف يمشي باللبوس اللي خليعه
انتشر بين الشباب وصار شايع=ضايعين وحطو الموضه ذريعه
عزتي للي مشى في درب خايع=مقتفيه ابليس والدنيا سريعه
والسلام ختام يازين الطبايع=ماخسر من صام ومحمد شفيعه