مايسمع العذال شخص مستقيم=ألا يحطونه بشبك الإتهام
ويوهقونه فالمخاصم والخصيم=ويشككونه فالخوال وفالعمام
ياأهل الحسد موتوا ترى ماني محيم=على سوالفكم ولو طار الحمام
غربان بين وفالكم نار الجحيم=ياللي سعيتوا بالوشايه والخصام
ياليل لاذعذع على قلبي نسيم =نسيمك الساري سريته بالهيام
مالي نديم إلا أنت يالليل البهيم=أسهر معي يوم إن خلق الله نيام
تعال أبشكي لك ترى مالي نديم=إلا سكون الليل وسدول الظلام
أسج بك وأبوح باأسراري وأهيم=ولا غيرك أحد يحفظ أسرار الغرام
إجلس وأبا أعلمك بالعهد القديم=للي على عهده بنا قلبي خيام
أدري تجيه أقوال بإني مستهيم=في واحد غيره ولكن الكلام
إني على عهده وميثاقه مقيم=ماهمني هرج العواذل والخمام
ماخنت ميثاقه ولاطعت اللئيم=وشلون أخون أنا كريم ومن كرام
أن مد لي ربي بعمري يالعتيم=والله لا اوفي له مودة وإحترام
بكره ليا جاه الخبر والله كريم=وتثبت له الأيام قولي بالتمام
أقول للعذال أنا ما أحب ميم=ماودي العذال تدري بالمرام
أدراه مثل اللي يداري له يتيم=وأعظ من فرقاه في رأس البهام
أجحد صوابي وأستره كني سليم=وأنا ضلوعي تنكسر كسر العظام
ياليل علم ريم لاتسمع غشيم=تراى أبـ أقفي عام وأقفيه عام
ماهو هجر لاوالله الرب العليم=لكن ماأبغا أسمع كلام ولاملام
وتراى لو ينشدني العقل السقيم=قلت أكرهه كرهه اليهودي للمقام
لكن لايسمع عذول ولاكليم=تراى أحبه بس أخفي والسلام