هاضت قريحة هاجسي فالموازين=آلاد ميزان الصقور الصورايم
أهل السيوف المرهفات العطيبين=وأهل البنادق وهل شلف ( ن) مساميم
أفعالهم تعرف قديماُ وذا الحين=من قو هيبتهم بضرب المساهيم
أهل الشجاعة والكرم واهل الدين=بقيادة اشيوخ (ن ) سواطي مفاهيم
الآد مدلج ماضي الوقت بسنين=شيوخ (ن ) على اليرق مقادم مقاديم
أفعالهم مورخة فالدواوين=ماتنمحي مادام بالحق تنظيم
واليوم بارق عزهم في صعينين=بقيادة أهل العرف فيحان ودحيم
وياشيخ ناصر ياعطيب الضريين=معروف فعلك يوم فك المخاصيم
ولا انسى شيوخ بالموقف صعيبين=والشيخ ماجد بارق العز في ليم
سيروا وحنا صفكم ياعزيزين=ماعندنا شك وريب ولاظيم
حنا أهل الوقفات فعل وبراهين=وحنا صقور شاهرة فالتعاليم
وزاد الفرح والطيب قوم سلاطين=بحضور شيخ شرف الحفل تكريم
شيخ من السبعان بالعسر واللين=خلى عنيزة تعتلي كنها الغيم
وبحضور شيخ صيرمي ابن جبرين=شيخ العبادل حق مافيه تقسيم
وزاد الفرح بعقوب شيخ الحمادين=شيخ على شيخة مواريث شغميم
واليوم جيتكم تساوي ملايين=في حفلنا قدم الرجال المحاشيم
ياشيوخنا ياللي على العز ماشين=في ظل حكام على الشرع تحكيم
حياكم الله مع جميع الملبين=في حفل ابن عبّاد زاد الفرح ديم
واختامها تقديركم داخل العين=ياللي حضرتوا صفقوا للمزاعيم

يامحافظ عنيزة على الطيب حييت=حييت مع جمعت شيوخ من مطير
نحسب حسابك يوم جيت وتعنيت=جيتك خير وزادت أفراحنا خير
في حفل قوم من أهل العرف والصيت=قوم لهم بالفعل هيبة وتقدير ..
شوفتك يوم انك مع شيوخنا جيت=نورا مثل نور النجوم المشاهير
يامحافظ عنيزة بمجدك تعليت=سطرت لك في قمة المجد تسطير
طورت ديرتنا بفعلك وكفيت=واليوم صارت في عيون البشر غير