بديت قافآ واذكــرالله بمـــبـداه =من هاجسٍ بين الضمايرحصرها
عكرمزاجي ووصل الصبرلقصاه=والعـين عافت نومها من رمــدها
وسريانديبي فوق جمسٍ عبيناه=يوصل مراسيل العبادل سندها
نصـه سعـود ودورة ليـن تلـقاه =وعطه الرسالة وتركه من بعدها
مهمتك تسلـيمـها له بيمـــنـاه= وهـو يـعرف يـحل مبرم اعقدها
يقــولها منهـو زمـانه تـــــحداه = يــرثع مــع الدنيا وبي قـــردها
يأمـير وقـتي غيـر اليوم مجراه=وقتٍ ثعــالـبته تعشي فهـدها
والحــر خــرع للحبــار تـوطـــاه =الى بمخـلابه مـنول جــــردها
يمشي بطاعتها تـهده وتـنهاه= وتصدر له اوامر وهو يـــعتمدها
ولافيه احدغيرك لجرحي بيرفاه= أنته عوض روحي وقمة سعدها
من غيركم حي لنااليوم ننصاه= اليامنـها كـثرة علــينا عــــددها
وذكرت ربي بأول القاف واتلاه= وصلات ربي عد هـامل بـــردها
على رسول سيس الدين وارساه= وخلى العقـيدة ديننا ونحمدها