اداوي جروحك وانا كلـي جـروح
واهتم في جرحك وجرحـي تركتـه
يا روح روحي روح يا روح يا روح
اقولهـا مـن قلـب بيـدك طعنتـه
كذا بدون اسباب ما ينفـع تـروح
عطني سبب واحد وش اللي عملته!
ما كنت اقصر يا بعد قلـب مذبـوح
اللي تبيـة يجيـك واللـي طلبتـه
اضحك معك سوالفي ضحك ومزوح
ممشي معك جدي وش اللي فعلتـه
جيتك سكني هـم والامـي تفـوح
ثوب الحزن بسباب فعلـك لبستـه
دمعي من اسبابك على الخد مطروح
مقدر ارجع دمعـي اللـي طرحتـه
كلن درى عن علتي صرت مفضوح
واضح على شكلي ولا شـي قلتـه
ماهو صحيح اقولك روح مسمـوح
عطني سبب اهمـال قلبـا" ملكتـه
يعني عشاني بانين لجلـك صـروح
واللي بنيـت بداخلـي مـا هدمتـه
لاصرت راسمني حبيبي على لـوح
لاتمسح اللي فـي يدينـك رسمتـه
مظلوم يا دفتر على طـول مفتـوح
اغرقتة بحبـري ولا جيـت شلتـه
خل الجروح تعيش مع شلة جـروح
الله كريـم يعالـج اللـي جرحتـه
م/ن