مرحباااااا
حبيت اهدي هالقصيده الى من مد يد العون لي ولاقصور بالاخرين مع باقه ورد مليئه بالشكر والعرفان على ماقدم لي ربي يخليكن يا صاحبات اللمسات السحريه في المنتدى كما قالها الاخ الاكبر ( ابن مصاول ) وجزيتن الف خير ودمتم بالف صحه وعافيه ..
القصيده (( منقوله ))
أنا الصديق اللي ليا طحت شالك
لاضامتك دنياك والوقت بك مال
أنا يمينك شدني في شمالك
يمنى بلا يسري ترى حالها حال
أنا عزاك وعزوتك لاجرى لك
من تاعس الدنيا هواجيس وأهوال
ماني من اللي لا اغتنى ماوفالك
لو لك عليه من الجمايل والافضال
ماني خويك كان وقتك صفالك
أنا خويك لأدبرت فيك الاحوال
خذني عصا موسى إذا كنت هالك
امسح لك بحور القهر قول وأفعال
بالك يجي في خاطرك يوم بالك
إنك تغيب ولا تجي لي على بال
لا .. لا ..تفكر انت في مثل ذلك
إن أتخلى عنك لو الزمن طال
ماأقول انا ياعم مالي ومالك
ماترخص العشره ولاتغني اموال
اسمع جوابي قبل مااسمع سؤالك
خارج حدود التغطيه وارسل ارسال
انا ليا شح الزمن في وصالك
تمدني النخوه على وصلك حبال
انا عمى عين العدو لانوى لك
أنول روحه قبل ماروحك تنال
بينك وبين الشمس شجره ظلالك
ماللشجر قيمه إذا ماله ظلال
والليل لو الليل مظلم وحالك
ترسمني الظلما على صدره هلال
((( اتمنى ان تقبلي اختي * بنت الغلباء و ريم الموازين * مني هذا الاهداااااء )))
وتقبلو تحياااااااااتي درتكم ** درة القصيم **