بعد جف الوصال وماتت احلامي على يدينك =قبرت احلام عمري وسط صدري وانت تبكيها
لاتبكي وانت قاتلها مـن اعماقـي بسكينـك=ولو تجحد طعونك وسط قلبي ذي مواريهـا
حسافه يالغرام اللي مضى مابينـي وبينـك=رميت الروح يوم الروح شافتبـك مراسيهـا
هاذا طبع الغرام اليـا حشمتـه لازم يهينـك=لو انك شيخ قوم وكلمتـك كلـن يراعيهـا
على كثر المحبـه والغـلا مابيـن بعينـك=وانا عيني تشوفك علـى مالـدت حواليهـا
سألت اعماق قلبي كم عددهم كـل غالينـك=خساره مالقيت الا انت صاحبهـا وغاليهـا
ولقيت عروق قلبي للزعل تمشي وناسينـك=واذكر قلبي بزلتـك بـس القلـب ناسيهـا
هويتك لاكن الفرقا مـع الاحـزان ناصينـك=عسى لحضات حزن قلوبنا الافـراح تقفيهـا
تعال اودعك واحـط حبـك وسـط كفينـك=قلوب الامـس مـن زلاتنـا لازم نصفيهـا
بضمك واحضنك واليا حضنتك بسألك وينـك=ابي قبـل نتفـارق تنعـم يدينـا بماضيهـا
وابمسح اخر دموعك قبـل تنـزل لخدينـك=واذا دمعه من عيوني هوت لاتلتفـت فيهـا
صح لسانك أخوي أحمد الزراقي