بسم الله الرحمن الرحيم
السلام عليكم ورحمة الله وبركاته
محاورة بين الملك فيصل وهذال بن نفيع العضيله وطيب بن عدوان
((الملك – فيصل بن عبد العزيز – رحمة الله عليه ))
كان الملك فيصل ، يميل إلى الإستماع للشعر وينقده نقدا جيدا ، ويجيد الشعر تمام الإيجاد ، ويلاعب بعض الشعراء ..
وهنا نورد له هذه المحاورة التي جرت بينه وبين الشاعر - هذال بن نفيع المطيري
عندما كان هذال مسجون في قصر شبرا بالطائف في تهمة ناقة للعتبان ، وهي في الحقيقة ليست عنده ، ولكن هو رجل من كبار جماعته ولذلك اختصوه بالشكوى دون غيره ..
وذلك عندما كان الملك فيصل أميرا على الحجاز .
قال الملك فيصل
هذال هذال يومنك سرقـت البعيـر=انتم دريتوا عن الحكـام ولا رقـود
وراك ماخفيتها وأنا احسبنك بصيـر=لين إقبضوك النشاما يالحصان العقود
قال هذال
يا فيصل الأمر لله ثم لك يا لأميـر=يا ولد عبد العزيز الحاكم ابن السعود
انتم عفيتوا عن اللي شال حمل كبير=وماهوب بعير بلوني به عيال القرود
وبعد المحاورة عفا عنه الملك فيصل وأعطا صاحب الناقة قيمتها وعندما أعجب الملك فيصل
بهذا الشعر قال لشاعره طيب بن عدوان قم العب معه .
فقال طيب
علامك يالمطيري يوم تسرق ناقة العتبـان=تقسمتوا شحمها واصبحت عكتـك ماليهـا
يقولون العرب طيب وراك تساعف السرقان=ذبحت الناقة اللي في الحمى والحكم حاميهـا
***
قال هذال
تبي تلعب بغطاس البحر ياطيب بن عدوان=تبين خلتي وانتـه فعـول العـام ناسيهـا
رزقك الله بصفراء تمترح عندك بغير عنان=غزيت الفلوه اللي في القسا واللين تعطيهـا
***
قال طيب
علامك يوم تدهاني وأنا صافي مـع العربـان=وأنا رجلي على وضح النقاء ما خطت مواطيها
***
قال هذال
تصافق بك هبايب نجد وأنت تطرد الغزلان=قضبت الصيده اللي جودة رجلك بياديهـا
***
فقال الملك فيصل
ترانا ياجماعة مانحب الفقش في الرمان=نبي الرمان صم وكل حبه بذرها فيهـا