يقولون .. الشعر قدح الخيال .. وطلقة .. التفكير
وانا اقول الشعر .. برق الصحيح .. ومزنة أفكاره
رشيق الحرف .. والمعنى العميق .. وروعة التعبير
ربيع الشعر .. واشجار الربيع .. وريحة أزهاره
على روض الورق حامت عصافير .. ونبت نوير
بعد ماجفت .. دموع الغمام .. / .. وجتني اخباره
سمعت اني على باله .. ويذكر عشرتي .. بالخير
وهو ماغاب عن بالي .. ولا قد هان .. مقداره
سرابي .. هاجس الذكرى ولا ني بحاجة التذكير
لأني عايشٍ أصلاً .. بــلاه .. / .. بروح .. تذكاره
إذا .. هو يذكر .. ايام الغرام .. ويشتكي للغير
فانا .. ماغير افكر به .. وصدري ، حافظ اسراره
واذا هو صار بفراقي .. قصيده مابها .. تصوير
فانا لازلت ، بفراقه .. لحن من دون .. / .. قيثاره
حزن ماهو حزن .. لكن حزين .. ومالها تفسير
غريب .. ولا غريب ..الا غريبٍ .. داخل دياره
الى من قالوا .. شلونك .. أحمْـد الله واقول بخير
مدامٍ .. صاحبي .. يذكر .. وأنا لا زلت .. باشعاره
منقوووووووووووووووووووول