في خفوقي لك حكايه ضمها كتاب المشاعر
وفي عيوني لك مدينه ياحلوها من مدينه
انت لو تامر على روحي من غلاتك بس تامر
فدوى روحي من غلاتك والله ماهي بالثمينه
شفت عاد إش قد غالي ؟؟ لاوعندي شي آخر
كل هالعالم بدونك أشبه بدمعه حزينه
إحنا قصتنا قديمه وحبنا صادق وطاهر
أنقى من حبه رذاذ فوق خد الياسمينه
إحنا لو نكتب عشقنا ضاقت أوراق الدفاتر
وإن كتبنا شي تبقى أغلب كنوزه دفينه
انت تبحر في عيوني وأنا في عيونك اسافر
فوق غيمه من محبه لاشراع ولا سفينه
تذكر بأول لقانا ؟؟ كيف خانتنا الحناجر
الحكي عيا .. وحروفه في حناجرها سجينه
وكانت عيونك مرايا بعثرت اوراق شاعر
وكنت أقرا في عيونك رعشة الشوق وحنينه
كانت الفرصه دقايق .. عشتها مثل المغامر
مرني فصل العواصف والهداوه والسكينه
تصدق إني من بعدها صارت ضلوعي منابر
كم تعلاها خفوقي يشجب البعد ويدينه
بصراحه في غيابك تنغلق كل المعابر
كل هالدنيا بدونك تنقلب صحراء وشينه
أفتدي نظره عيونك وأشتريها بألف خاطر
ومن غلاتك بس عندي عيني صارت لك مدينه
*******
مـــــــــنــــــــــــقــــــــــــــــــــــــــ ــــــــــــــــــــــــــــــــــــــــول
*******
اتمنى اتنال القصيده اعجاب الاخرين ..فنتظروا درتكم عن قريبين .. فهاهي تهديكم القصيده اجمعين ....
تحيااااااااااااااااااتي .....