شفت العجايب في زمن ياعجايب=
= متجمعه فيها من أشكال والوان
لي قصه صارت معي ياوهايب=
= كثرت بقوله صدق ما كلم انسان
وش جاك مني ليه جبت السبايب=
= ماغير اهليبك واحيي وبالقلب شفقان
عطيتها عمري وله الزين جايب=
= عطيتها مملك وانا دوم خسران
تقول ماكلم غير مزعل حبايب=
= وأثره تخون الحب ملعونه الشان
والشيب اشوفه طالع كني بشايب=
= والشيب ماهو عيب ياسيد الاعيان
وشفيك ماقدرت حبي ياخايب=
=دنياء رديه اقرب الناس عدوان
والحين في خاطري شي طايب=
= ابغى اقوله على نظم الاوزان
تنعاف ديره كل ابوها خرايب=
=وتنعاف من حبيت في صدق الالحان
صدماتها بعروق قلبي لهايب=
=ياجعلها في دنيته دوم حزنان
وينعاف حب مثل سرق النهايب=
= اللي قطع يمناي وانا شوف خوان
والله يكفينا شرور المصايب=
=وتبعد قليبي دوم من كل الاحزان
وفيت معها لين شفت العجايب=
= عجايبه فيها من اشكال واللوان