فكري سلاح وشعري الجزل بارود=مضاربه في ساحة الشعـر تلقـى
وانا بصكات الزمن صرت ماعـود=ماعاد يدرقني عنى الوقـت درقـى
احمل معاناتي بصدري يابـو نـود=ماهمنـي تكبـر وتنـزل وترقـى
عمري سفينة هم والهـم فـي زود=فوقي غيوم وتحتي امـواج زرقـى
ارسي بمرسا بعدها عـام واعـود=مابه خبر يشفي شراييـن حرقـى
ياليل لاتسري وصاحبـك موجـود=يلوح لك في عتمه ضـوح برقـى
ماأيئس ولو خيط الامل فيه مفقـود=ونبضات قلبي حزة اليـاس قلقـى
بذلت لجلـه كـل طاقـه ومجهـود=نقطة وضاعت في بحر كيف تلقـى
كل الليال البيض من غيبتـه سـود=والي مع الاحزان موعـد وملقـى
الجرح قـام يقودنـي للشقـا قـود=في رحلة الاشواق غربً وشرقـى
اصفق كفوف الشوق من دون منشود=كل الكفوف من البهاذيـل عرقـى
مايدري اني يـم ذكـراه مشـدود=ونه سرقني فرحة العمـر سرقـى
هذي معاناتي تصفـح يابـو نـود=وخل الهموم بداخل الصـدر ترقـى