علي الحرام لوهي على كيفي أشريك=
= يفداك كل الخلق ويفداك كلي
انت القمر وأشر بيدك وانا أعطيك =
= ماني بولد شمر اليا خنت خلي
اقطع لساني لو قلت في يوم مابيك =
= تستاهلين الروح يانور ملي
بوعدك عن هالحسد دوم مخفيك =
= تبقى بصدري والعواذل تولي
لو يذبحوني وأحفرو قبر غاليك =
= مالك شريك في حيات المولي
ياويل قلبي منك عذبت هاويك =
= هذا زعل والا علينا تغلي
لالا تعذبني من يحبك ويغليك =
= تفداك كل الخلق ويفداك من لي
انتي حياتي غيرها من يساويك =
= ماشفت مني غير شوق(ن) يهلي
مالي بدنيا ابتعد عن حراويك =
= وشلي بعد دنياك يازين قلي