منتديات الموازين الرسميه - عرض مشاركة واحدة

غير متواجد حالياً

ياقـبـلـة الحبــ ..يـا ورد البنفسج والرحيـق
يا فخر ابـيها الحليم وعـزوة اخوانهـــا !!

لو فرقتنا العماير / والمدن / والطريق
تراك فعيونـي .. الثنتيـن واجفانهـا !!

الحب يملي اعيوني..وإن ترسهـا يريـق
ويسيل سيلـه علـى خـدي ووديانهـا !!

لا جيت بقول لش مشتاق .. ما راق ريق
تذبل حروف الهجاء .. وتندفن اشجانها!!

لو سولف الشوق عن سر عشقي..العميق
عرفتي كيف المحبه .. يصعب اعلانها!!

لو تحرق الابتسامه ..وسط قلبي حريـق
و ازرع بذور الغـلا وتمـوت عيدانهـا!!

فإلى لمحتي بعيوني يـا سناهـا ..بريـق
هذي ( دموع الغلا ) تحتـال سجانهـا!!

لا والذي كرم البيت الحرام ..العتيـق
ما خلقت اللي تضاهي روحـش وشانهـا !!

صدري احصونه غلا وعيونـش (المنجنيـق)
واهديت لش احصون صدري معا بيبانهـا!!

( انيقة الحسن ) ما تستاهـل إلا أنيـق
يفهـم تعابيرهـا .. ويعـز سلطانهـا !!

وانتي خلاصة مزج ( مرجان لولو عقيق )
يموت فيهـا الدلع وينام .. باحضانهـا!!

( لبى شراين قلبش كل ما اغفى..وأفيق
يا من تـذوب الحروف فنطقـة لسانهـا ) !!

اروح فيها !! معا صوتش الدافي الرقيق
يا زين زين الشفاه وصف اسنانهـا !!

قيد الموده على قلب المولـع ..وثيـق
وانتي غرام الحياه .. وغالي اثمانهـا !!

يا اغلى من الدمعه اللي في عيون الصديق
واقرب من الـدم فعروقـي وشريانهـا !!

انا سبحت الغرام .. وإن مت موتت غريق
فانا شهيد العيون الحور .. واجفانهـا !!

ما كني الا ( قيس ) اللي بليلى عشيـق
مــات مجنونـهـا..وانـدفـن ما خـانهــا!!

,,وسلامتكم,,