البارحة والعرب هجـــــــــــاع=جريت من خافقي ونــــــه
ونـة يتيـمن كســـــــير ذراع=يصيح محدن درا عـــــنه
وحسيت في داخل الاضلاع=شين كما لاهب الكـــــــنه
وامسيت ليل الشــــقا مرتاع=وعيوني الدمع هلــــــنـه
انا اشهد ان الزمــــــن خداع=يبكيك لو لك ضحك سنه
ياليت راع الخــــــبر ما ذاع=وسموعي العلم ما اوحـنه
والموت ماني منه جـــــزاع=والله ولا واثقن مـــــــــــنه
لحل ما قدر الاوضــــــــاع=ولا ينشد الحي كم ســــــنه
يقطـعك دنيا الورا في ساع=دوراتها تخلف الظـــــــــنه
من راح ما عاد له مرجاع=لو كل الاعيان يبكـــــــــــنه
بعض العرب موتها مفجاع=والبعض الآخر ولاكــــــنه
الله يرحمك يا فـــــــــــزاع=ويا جعل منزالك الجــــــــنه
يالطاهر اللي ما عمره تاع=يمشي على الفرض والسنه
يا قو نفســـــــــه قوي الباع=كل المحاسن جــــــــمعهنه
للهرج ما يرخي الاســـماع=وحرب المقفين ما شـــــنه
ما يوم بوجـــــيه ربعه فاع=والحقد بالصدر ما كـــــنه
مترفعن عن طمان القــــاع=حرن شهر عالي القــــــنه
موته يضيق فجوج وساع=ليت المقادير خــــــــــــلنه
مير البقا والرجا ما ضاع=يوم المجاذيب يحمنه
فعياله اللي كما المقطــــاع=خطلان الايدي بلا مـــنه