الكامل الله والخطأ طبع الإنسان
والدرب يفرق عن يساره يمينه
الصاحب اللي له معزه وله شان
إن جاني بشينه تذكرت زينه
مادا مني مسلم وفي قلبي إيمان
عمر البحر مشال هم السفينة
بعض البشر تحتاج له سر وإعلان
لا قلت له تكفى نهض حاجبينه
وبعض البشر ودك تناديه ذيبان
يجي على طاريه لا قلت وينه
وبعض البشر اسمه من الله كحيلان
لا طول الغيبات جاب الثمينه
إذا رفيقك بالشبه طير حوران
احذر يجون الناس بينك وبينه
ترى الرفيق أحيان وأحيان وأحيان
اقرب لقلب الشخص من والدينه
م ن ق من جوال امي
