هذه ابيات جميله من ابداع الشاعر الكبير منصور المعمري ابقوا ممععععععععععععععععععععي

عقب الفقر حطت شريحة وجوال

.................................وتكبرت وازداد فيها العنادي

وعقب الغنم والشبك مكياج وظلال

........................... وعقب اللبن والتمر ( دجاج سادي )

وعقب البراقع غطت الخد بالشال

........................... وعقب الهجير استأنست بالبرادي

وعقب الشموس اليوم كعوب ونعال

......................... وعقب ( حجاب نحيت ) تسمع عبادي

وعقب قصايد جدها زين الامثال

............................ تحضرت تقرأ قصايد منادي

اليوم لو توقف سنة حول الاطلال

............................. صار الامر بحسابها شي عااادي

ماعادت بحاجة وجاهة ولا مال

............................. كل ماتبيه اصبح مابين الايادي

فله وشغالة وسواق وأطفال

............................... وزوجٍ مريّش كبر ابوها وهادي

يمشي برغبتها من الجال للجال

............................... خاتم بيدها ماترده مبادي

الله يالدنيا لها حال عن حال

.............................. أحد استفاد وواحدٍ مااستفادي

كنا سوى نلعب مع شوية عيال

.............................انا وهي وبنت عمي هنادي

وخالد وريم وزيد مع أخته آمال

.............................في وقت مابه لابلوت ونوادي

تجلس تطالعني وتضحك وتختال

............................وإذا تعَبت قامت علّيه تنادي

وإن جيتها قالت أبي منّك ريال

............................قلت انتي جوعانه ؟؟؟ وقالت وكادي

وفزيت للدكان فزاااات الابطال

.......................... وشريت خبز وكوكا كولا وزبادي

وكَبرت وانا كبرت واصبحت رجال

............................ وكبر غلاها مثلنا في فؤادي

وفي يوم جتني واكثر الدمع همال

..........................تقول ابويه جاااااه طالب ودادي

ذهلت قلت ابوك يانوف وش قال

.......................... قالت انا بوادي وابويه بوادي

مابيه انا ابيك ياشاغل البال

........................... لإنك انته في حياتي مراادي

خذني معك بيديك حلٍ وترحال

.......................... بالمملكة وألا لخااااارج بلادي

وأقفت وأنا من صدمتي صرت تمثال

........................... حتى النظر فيني غشاه السوادي

مدري اسير لعينها درب الاهوال

............................ والا اتخذ بالامر موقف حيادي

وانا ادري ان الحب سوّى بي اهبال

............................ والمشكلة إن الهوى لا إراااادي

وراحت معه عني مسافات واميال

.............................. وأنا خذيت جروح ٍ أخرى جدادي

كذا انتهى عمري بلاشك وجدال

.............................. وماعاد تدري لو يطوّل بعااادي

منقول

أعجبتني ونقلتها لكم صراحه رائعه...