الصبرمفتاح الفرج والتساهيل=أصبر ترا للصبر عدة فوايد
منها تعرف الفرق فالعدل والميل=ومنها تجرب معضلات الشدايد
ومنها يعرفونك زحول الرياجيل=لاصار فالايام ناقص وزايد
وان اعقدوها مخلفين الاقاويل=خلك صبور ومن وساع البنايد
ودخل مع الخصمين بالصدق فالقيل=ولا عن الاثنين خلك محايد
وبمر الله اللي يحيي الارض با السيل=محيي العظام اللي بوسط اللحايد
تلقاء عوضها في الليال المقابيل=وترتاح من كثر الشقاء والنكايد
وبالصبر وبالحكمه تزول الغرابيل=حتى لون همموم قلبك تزايد
وشرب من الدله وسوق الفناجيل=وسلك طريق أهل الكرم والعوايد
وحرص على سلم الرجال الحلاحيل=اللي يحلون النشب والعقايد
وقدح صطر مع فزعة الجيش والخيل=وخلك مع أهل الطيب والطيب كايد
وليا زرعت الطيب تلقى المحاصيل=وترى الجميل ايدوم والمال بايد
وشعل من الفرحه شموع وقناديل=وغن البيوت الشاردات الفرايد
واللي على باب الحرم ساقت الفيل=فرقهم الله لين راحو شرايد
عليهم الله مرسلٍ طير أبابيل=وميعادهم نارٍ لهبها وقايد
ورغم الظروف القاسيه والبهاذيل=اصبر ترى للصبر عدة فوائد