أستزد يالطيب وأحنا لك نوفي=مايبيع الطيب من يكسب ثناه
من يحوش الطيب لخصاله يكفي=ميزه,,,ويحمدآلهه لاعطاه
خير والله لاعطى خيره موفي=مايبيع الطيب شخص قدشراه
شمريه والكرم والطيب شفي=أفتخروالراس عالي في سماه
شال لفيته فخر بعضود كفي=ورث أبوي اللي ملك قلبي رضاه
وأن حكيناالصدق كلآ جا بصفي=من يعاف الطيب إلامنه لقاه
ساس طيب وساس مجدذاك وصفي=من خصال العز خذ ماهو كفاه
من حكيم الراي ماهو مستطفي=درس مابه طالب"ن" ماقد خذاه
حتى أنا هالدرس قد خذته بصفي=ووقتها كنت أفتخرمن محتواه
كنت أقول لأبلتي قولي ووفي=صح ,,,كنا للكرم مثل الولآه
صح كنا نكرم الضيف ويقفي=شاكرآ ,,حامد,, وحناله دعاه
به نرحب من مشى ألين يلفي=حاتمي"ن" يفرح بضيف لفاه
به كرم به طيب به نخوه وعرفي=جملة خصاله تليق بمستواه
أن نخيته جاك وأن جيته يعرفي=حاجتك تقضى قبل تنطق شفاه
شمريه بلسم جروحي بحرفي=جدنا حاتم ... وحنا من وراه
أرتوينا عز والعزه تكفي=والولي من خصص العز وعطاه
عزوتي شمرأهل عوج"ن"وشلفي=صيتهم علا على العز ورقاه
شمريه من ولدت ألين حتفي=أفتخر ببوي وأخواني معاه
وأعتقد ماقلت في قولي موفي=مايبيع الطيب من يكسب ثناه
لايهون السامع ورب البيت يعفي=ولابها عيب أن مدح شخص أباه