السلام عليكم ورحمة الله وبركاته

اولا : ما ابي احد يصوّت .. الا بعد ما يقرا الموضوع بالكااااااااااامل اوكي

لأن هالموضوع ببالي من زماااااااانـ .. وابي اشوف رأيكم يالشباب فيه
ولا مانع طبعاً بآراء البنات وفضفضتهم هنا ..

نخش بالجد



الصراحه اشوف كثير كثير كثييييييييييييييير من عيالنا ما يعطون خواتهم وجه ..!

وصار هالشي طبيعي مره .. البنت بطريق واخوها بطريق
وتعاملهم مع بعض رسمي مررره .. حتى تلقاهم يستحون من بعض شويات

ويمكن يكون أحد الطرفين يحآول يتقرب من الآخر .. وهذا شي حلو طبعاً انه يبي يقرب من اخوه او اخته ..
بس للأسف ينصدم ان الطرف الثآني ولا حتى حاااس فيه ,

وللأسف اغلبنا ما حسينا بهالعلاقه ابداً .. ولا عمرنا فكرنا نقويها ونعيشـهآ ..

وفيه عيال يعتبرونه عييييييب بحقهم اذا سولف مع اخته او مزح معها .. >>والله عيب

انا متأأأأأأأأأكده واجزم مليون بالميه ان اغللللب شبابنا ان ما صارو كلهم .. كذا ما فيه اي صله تربطهم بخواتهم الا بالأسم ..



يا ناس .. يآعالم .. العلاقه الاخويه علاقه مبهره ورائعه جداً .. ما تجمعها المصالح ولا الحآجه .. اللي يجمعها شي واحد وهو رابطه الدم .. والحـب الأخوي الطاهر ..
ليش نحرم انفسنا منها ؟؟؟؟؟


* ليش الضحك والمزح مع الشباب بالاستراحه بس ؟؟ >>صدق وربي شي يقهر من جد:

* ليش مآ عمرك فكرت تفاجيء خواتك ورحت لهم .. وقلت قوموا يا سسترآتي يا غلاي بهالدنيآ :: مسوي لكم سربرااايز .. عاد خواتك راح ينهبلوون وشوو ؟؟ اخوي انهبل ومن هالكلام
انت ما عليك .. ابيك تقوم تآخذ بهم لفهه بسيارتك
.. وتروح بهم باسكن روبنز .. كل وحده تآخذ على ذوقهآ
بس اشرط عليهم مآ ياخذون ام خمس وعشرين .. ولا تراك بتروح في خرايطها
مشهم شوي .. ورجعهم البيت

والله والله والله وهذاي احلف لك .. انهم ما بينسوووون هالطلعه ابد :

ويبي يحـبونك .. ويسولفون عنك عند صديقآتهم .. وتصيرون فلللللله .. افلل اخواان بالحته

* ليش اذا شفتـ خويك متضآيق وصاكته غلقه .. على طول تقوله وش فيك ؟؟ فضفضلي أنا خويك لا ادبرت فيك الأحـــوال .... انا الصــــديق اللي ليــا طحت شالك وهات يا قصيد
طيب .. ما دامك ابضااي ورجااال وزقرت .. ليـش اختك مالها نصيب منك ..

* ليش حآرمها من كللللللل هالأشياااا؟؟

ترا هالشي مو حرام ولا عيييييييييب .. بالعكس

والله والله ان البنت تفرررررح اذا حست ان اخوها يحـبهآ .. وفآتح لها قلبه

ما تصدق على الله .. تراها تبي تخرررر لك كل شي ..

الزبــــدهـ :


ترآ الموضوع باااايخ .. وما يسوى هرجته .. والحـل بسيييييط
الحين قوم ادخل على اختك وارجفه قل قوومي سوي لنا قهوه ابيتـس بسالفه
واطلع افرش بالحوش .. هي تبي تستانس وتجيك رررركض
وهاات يا سوالييييييف .. وانبسطوووو واستاانسووو

تخيل انك قاعد تكلم خويك .. وانـا متأكده تبي تقدر تكسر الحاجز



بالنهآيه : اعذروني على اللهجه العآميه .. بس ما احـب اتفلسف بالعربي وبعدين اطلع ما عندي سالفه .. خخ





طبعاً بعد اراائكم بالموضوع وتهمني اكيد.. ومواقفكم مع اخوانكم وخواتكم واقتراحاتكم
لتحسين العلاقه بين الاخواان ...

عشــــآن نحل هالمشكله الأزليــ,,ــ,,ـه
اتمنى مااكــ,,ــون طولت عليكم
دمتم مع من تحبوون ....
وهالله الله في خوانكم ترا مالكم غيرهن

م ن ق لعيونكم