دخيل خذ من والدك لك رسالـــة
رسالة ما يفهَمَه كل رَجَّــــال

خوِيّك الداني اليا شفت حالــــه
احمل عليك من المعاليق ما شـال

واحشم خوِيّك عن دروب الرزالــه
ترى الخوِي عند الاجاويد له حـال

وترى رَبْع يومٍ مقعدك بالجلالـــه
يسوَى حلالِ عايشين به انـــذال

الحمَّرَه تدرك معوشة عيالــــه
ولا الرجل يبغى منه بعض الاحوال

يا صار ما تدعَى على كل قالـــه
تصير من حسبة هـدومِ بـه ازوال

وياعل رَجْلٍ شوفته قد حالـــــه
عسى تدَوّر زوجته فيه الابـــدال

ويا صار لك من عوص الانظا زماله
خله توّرّد بك اليا جرهد الـــلال

تمرس كما تمرس خطاة المحالـــه
مع ماقع عَمّال من جا معــه ذال

خله مع الدَّيَّان تمشى الحالـــــه
يا صار ما انت لْلَمْسة الخشم حَمّـال

ويا صار ما دلوك تذبّه شمالــــه
ترى الرجال يطوّحونه على الجال
__________________