اعطف علي ولا تخليني ادوج=قبل الحشاء يقلع ويعلن نهوجه
خليت صدري من سواياك مفجوج=سوات نجد الي وساع(ن)فجوجه
غريب دار تلوجني حسرتي لوج=كني سجينأ مستحيل (ن)خروجه
حلمي زوارق طيف يعصف بها الموج=بحر العذاب يزفها فوق موجه
راحت مجاديف العنا ضلوعي العوج=من كثر ماتسبح غدة دون عوجه
وبنات فكري خيل وبياتي اسروج=وسرار صدري مقفلاتن دروجه
محد(ن)يفك الباب والباب مزلوج=قرب وتسمع داخليي خلوجه
ياسمعي انا من البعد مزعوج=ومن سبته جرحي مقرب نضوجه
اخفيت ماعانيت والحزن ممزوج=بذكر مبسمها وفي طعم روجه
عاقل ولا منه طري رحت مرجوج=وطبيعة المرجوج كثرة هروجه