السلام عليكم ورحمة الله وبركاته
من قصائدي قديمه وقريبه لقلبي اتمنى ان ترتقي لذائقتكم وهي خير مأبدى بها من مشاركات
يابنت أنا جيتك علـى عـز مبـداي
............. جيتك بعـد ماشفـت فيـك العفافـه
جيتك على نيـه وطيبـه بمجـراي
...................ماجيـت أدورمايسـمـى خـرافـه
أمشي على وضح النقا مامشي أخفاي
..............ولاطفت كسب ارخوم افرح طوافـه
يامعجبتني فيك انا اشـوف محـلاي
....................يامحليـت شعـراً كتبتـه وقـافـه
لفيت عندك بعـد ماطـال مسـراي
................مسرى الجروح اللي تجر الحسافـه
انت آخـر الدنيـا والأول وملقـاي
................وانت الوحيد اللي ماتلقـى وصافـه
جيتك كثيـر اوهـام ياقلـه ابكـاي
...............جيتك اشيله جـرح دمعـي لحافـه
جيتك ولاأدري وش حصل وشوالجاي
.............جيتك ولاأدري هالزمن وش خلافـه
ياجب انـا بنشـدك مانتـه بنسـاي
.................ولايخلفك جـور الزمـن واختلافـه
قلب (ن) سكنته ابركه اسمع اوصاي
...............بكره لاجف اشبـع ياحـب بجفافـه
اسقتني ايامي على غيـر مرضـاي
...............فنجال مـر بكـف حـب السخافـه
صابر ولانـي شاكـي الا لمـولاي
...................ربي وابشكـي لـه همـوم ومخافـه
سبحانه اللي سكنك داخـل ارجـاي
.................وكبرلـك بعينـي دروب الـولافـه
خذني وانـا باخـذك ودواك لـدواي
................اقلط تربـع وسـط قلبـي ضفافـه
جالك بنبضه ظامي(ن)وانتي المـاي
.................والياعشـق عشقـه بـذوق ولطافـه
تبغى الصراحه فيك لايطول احكـاي
.................انـت الوحيـد اللـي ابـد ماأعافـه
لاني لقيتك عقـب ماطـول امـلاي
............وشابت حروفي في سطور الصحافه
من نظرتك صوبي وانا انسان قراي
.............قريت من تعشـق بعشقـك حرافـه
اقرب بخطواتك واقربلـك اخطـاي
..................قربـك يريحنـي وغيـرك أخافـه
تعيش بي نفس(ن)عزيـزه وتنهـاي
.................ترضى تمـوت ولاتعيـش الهطافـه
جنيتها من صغـر سنـي وتجنـاي
.................وعزيتها عـن كـل مشبوهـن آفـه
واسقيتها من طيب ساسـي ومربـاي
...................للصـدق وللعـزه وحـب العفـافـه
وسلامتكم