ياطير ياللي تطير وزايـداً نوحـه=لي عام انا ماعرفت النوم والراحه
علم غناتي عن الجيات والروحـه=وقله دموعه على الخدين سياحـه
ابعدت عني وكنك ساكـن الدوحـه=وانا ورى نجد كني ساكن الباحـه
انت الغلا والشهاده فيك مجروحـه=وانت القمر والقمر مايختفي ظاحه
يفوح صدري علاك من الغلا فوحه=تعال كبد الهـواوي فيـك ملاحـه
اثر الهواوي يموح بدنيته موحـه=واثر المحبه مصيبه تكسر جناحـه
السد من خلقتي للنـاس مابوحـه=واليوم من سبتك ولد العرب باحـه
والله يالولا الطبايع فيـك مملوحـه=لمسح محبتـك يالغالـي بمساحـه
تخطي عليه واقول اخطاك مسموحه=واللي يعاتب اقول الزيـن مزاحـه
دوك الحقيقه يابنت الناس مشروحه=توي دريت المحبه فيـك فضاحـه