الفيتوتشيني بالدجاج و الفطر و الكريمة
نيجي للمقادير
كيس مكرونة شرايط , 500 جم صدوردجاج مخلية , بصلة كبيـــــــــــــــــــــــــــــــرة , م ك ثوم مفروم ناعم أو مدقوق (بعرف كل الغزازوة عندهم الزبدية الفخار تبعت الدقة الغزاوية الشهيرة الي بالفلفل و البندورة و الجرادة 
) نرجع لموضوعنا 500 مل كريمة سائلة تبعت الطبيخ , علبة فطر شرائح , 1/2 كاس جبنة موتزاريلا (قال يعني بحكي إيطالي) , رشة أوريجانو (هدول الاتنين نسيت أصورهم مع بقية العائلة فأخذتلهم صورة لحال) م ك ملح و فلفل أبيض
و هي صورة المقادير
الطريقة :
أولا نسلق المكرونة (طبعا كلكم بتعرفو كيف )
ملاحزة زغيــــــــرة السلق لمدة 8 -10 دقائق فقط
ثم نقطع صدور الدجاج
بعدين بنجيب مقلاية على النار وبنحمر الثوم و البصل في شوية زيت تشويح يعني و بنخليهم يدبلو
بعدين نضيف الدجاج
و بنقلب لحتى ينشف
ثم الفطر
ونقلبهم جيدا مع بعض 
ثم نضيف الملح و الفلفل الأبيض
والآن حان دور الكريمة
و بنتركهم يتسبكو شوية على النار وبعدين بنحط المكرونة الي سلقناها مسبقا في صينية
وبنضيف فوقها خليط الدجاج مع الكريمة و الفطر
و الجبنة الموتزاريلا و الأوريجانو (هو الأوريجانو مش طالع بهاي الصورة بس احسبو انحط يعني)
و نقلبهم جميعا مع بعض
و هذا هو الشكل النهائي للطبق
م ن ق