عبدالله الميزاني

منول يا حبيب تطرح الصيده بدون سلاح
وناس ٍمالها فالعلم الاول مالها تالي
وانا اعرف العميل اللي تجيبه صيحة الصياح
وانا زعلان والمضهود لاعمي ولا خالي

حبيب العازمي

وذالحين اطرح الصيده وانا جالس وانا مرتاح
ما دام انه هذا حالي فلا تقلق على حالي
لقيت القفل فوق الباب قلت ادور المفتاح
واثر عبدالله اللي قفله مدري يورالي

عبدالله

مكافحة التسول يخلقون من الكفاح اكفاح
والا يا طيب الميقاف مدري طيب الفالي
ترا من لا يعرف الحق فالمسرا وفالمسراح
يبى يبلش بهمه ما طلع فالمرقب العالي

حبيب

انا اقول الرعيه راجعه للراعي المصلاح
واذا راحت بلا راعي تراها مالها والي
نبى نرسل عليك البشت يا شليويح بن شلاح
وعبدالله نبى نرسل عليه شماغ وعقالي