ماعاد لوجودي معك اي تأثيـر
وماعاد تشفق لي ولا عدت غالي
العام مااشكي منك ايات تقصير
والعام كان البال مرتاح خالـي
واليوم صرت تمرني كالمساييـر
وليّا شرهت تعدها من هبالـي
سلكت من شانك جميع المحاذير
وانا ادري انك بالوصل ماتبالي
(دايم على ذكراي تحتاج تذكير)
واسمك ورسمك مايفارق خيالي
ابعدتني بيديك من دون تفكيـر
قّربت تنساني وانا اصير سالـي
مالاعك اللي لاعني تالي اعصير
ولا سهرت الليل ترجي وصالي
تبعد وتتركني بوجـه المقاديـر
لاسالي(ن) عنك ولا ارتاح بالي
تغيب واعذارك سمان المعاذيـر
ودايم تحملني حمول (ن) ثقالـي
واغض طرفي عنك واصد واسير
متحمل (ن) منك العلوم الجلالي
يجوز في قربي تحسب المخاسيـر
مع اني اعدك ترى راس مالـي
واقطع على شانك بعيد المشاوير
واذكرك لاعدوا خيار الرجالـي
ولا انت ماتلقى بوسط الغنادير
من تستحق تكون لحظه بدالي !
من مارق لي