دعاني الشوق لعيونك
وجيتك احمل اشواقي
انا في الحب مضنونك
وعلى عهد الهوى باقي
تفضل وردة من قلبي
تعبّر عن مدى شوقي
وتهدي لك وفاء حبي
يا عطر الحب يا ذوقي
سهرت الليل وطيوفك
اراقب جيتك ازمان
ولمّا تسمح ظروفك
اسابق قلبي الولهان
حنين الروح يالغالي
يصوّت لك يبي قربك
ابد ما غبت عن بالي
وانا اللي هايم بحبك
اذا طاب الهوى ليله
وازورك في العمر مرّه
ابيع العمر هـ الليله
لجل هـ العين بالمرّه