ياللي تناظرني بعينك وصديت = مدري زعل يازين ولاتغلي
لاشك سامحني إلى مني أخطيت = وانا اتحمل منك مهما حصلي
نظرات عينك علمتني لواخفيت = نظرات عينك عن كلامك تدلي
عرفت قصدك يوم عني تخفيت = أنك تخاف من الحسود وتذلي
واهل الحسد ماقصدهم غير تشتيت = كلامهم يم السنع ما يدلي
لو قالو الحساد لي فيك مااوحيت = غلاك له في وسط قلبي محلي
لاتحسبني عنك لحظه تخليت = الصد يالغالي ما هو عادتلي
حبك بقلبي كل مااقبلت واقفيت = منزلك عندي مرتفع ومتعلي
أليا ذكرتك ياهوا البال فزيت = أنت الوحيد من البشر جايزلي
عذبت قلبي في هواك وتعنيت = وعيني قبل من شوفتك ما تملي