يابوي وينك يوم بالصوت ناديت=عقبك غدت دنياي فيني مخيفه
يابوي شفتك بين الأحلام مريت=وتجرحت فيني الجروح الرهيفه
ليتك تجي في كل الأوقات ياليت=وتسمع بيوت (ن)فيك صارت كفيفه
ياما تحريتك تجيني ولاجيت=طفلتك خانتها العيون العفيفه
تبكي تشوفك كل مامرت البيت=بيت(ن)جمع كل القلوب الوليفه
بيت(ن)وسط حضنك وحضنه تربيت=بالأمس أنا راعيه واليوم ضيفه
ماقول للدنيا ترى أبوي أنا ميت=بأقول حي بداخلي مثل طيفه
صح لسان الشاعرة الله يعطيك العافيه على النقل المميز أختي بنت الاصيل