محاوره بين خليف بن دواس وزيد بن سلمي العضيله المطيري
خليف بن دواس
انا شعبيتي زادت على شعبية الشعار=على شعبية الشعار زادت فالميه ميه
طوال الروس تقصر كل ماشافت دويش امطَار=تميز بالادب فعقولها ومطير نكريه
زيد بن سلمي
يابو شعبيةٍ زادت ياليتك فالقى تختار=وتضرب بإسهم في راس رجلٍ يبا الفيه
خليف خليف بن دواس يومٍ الرحاء دوار=اله وقفات نشهدها وله يمنٍ جراويه
خليف بن دواس
اميز واتخير واستخير اعن الخيار اخيار=ابا زيد الهلالي في هواء علياء الهلاليه
دويش مطير يرحل عن ديار ويستحل اديار=خليفه مثل ابو بكر وعمر سيف الحنيفيه
زيد بن سلمي
دخيلك ياخليف الشاطري لاتلفت الانظار=ليا منك لفت انظار جت سيه ورا سيه
دويش مطير اخذها باليمين وقصرو القصار=ومن يرفع براسه ماله الا كتم حريه
خليف بن دواس
اخذ صافي مصفى حقل شيبه وسود الغوار=من اصفى حقل وكبر حقل بانتاج السعوديه
عزيز بذلة الخزرج ذليل بعزة الانصار=فبدر ويوم حد وفتح مكه والحديبيه
زيد بن سلمي
ياراع الصافي اللي يعلم الله ماعليه اغبار=ترفق والبضاعه لا تعرضها الشريطيه
جنازه ياخليف الشاطري تبغى لها قبار=ليا ساويتها وسط الاحد سيتك ممحيه
خليف بن دواس
انا ابويه محنكني بجرع المر سبع امرار=وقرالي في سموعي بأية القران كرسيه
اخذت ا من البحر لؤلؤ واخذت من الثمار ازهار=معاني سكريه حاليه ببيوت سحريه